Նախկին վարչության պետը նշանակվեց մարզային քննիչ

Արդեն հայտնել ենք, որ վերջին օրերին կադրային փոփոխություններ են տեղի ունեցել ՀՀ գլխավոր դատախազությունում: Մասնավորապես` դատախազության աշխատակազմի անձնակազմի կառավարման բաժնի պետ Լիանա Մարկոսյանին փոխարինել է Արթուր Ոսկանյանը:

Yerkir.am-ի  տեղեկություներով` աշխատանքից ազատվել է նաև դատախազության արարողակարգի վարչության պետ Հովհաննես Կարապետյանը: Նրան այդ պաշտոնում փոխարինել է Մարատ Գասպարյանը:

Հատկանշական է, որ դատախազության երկու աշխատակիցներն էլ աշխատանքի են անցել ՀՀ քննչական կոմիտեում: Yerkir.am-ը  կոմիտեից տեղեկացավ, որ, մասնավորապե,ս Լիանա Մարկոսյանը քննիչ է նշանակվել է Երևան քաղաքի վարչության Արաբկիր վարչական շրջանի քննչական բաժնում, իսկ Հովհաննես Կարապետյանը` Սյունիքի մարզի Գորիսի քննչական բաժնում: