ԱՄՆ-ը կոչ է անում Հայաստանին և Ադրբեջանին` հասնել վերջնական խաղաղ կարգավորման

Ադրբեջանում ԱՄՆ գործերով ժամանակավոր հավատարմատար Դերեք Հոգանը անդրադարձել է Ղարաբաղում Ադրբեջանի կողմից հայկական ուղղաթիռի խոցմանը. հայտնում է ադրբեջանական АПА-ն:

«Լեռնային Ղարաբաղում հայկական ուղղաթիռի ոչնչացման փաստի առթիվ հանդես են եկել ե'ւ ԵԱՀԿ Մինսկի խմբի համանախագահները, ե'ւ ԱՄՆ պետքարտուղարությունը: Մեր դիրքորոշումն այն է, որ մենք ափսոսում ենք այն պատճառների համար, որոնց հետևանքով խոցվել է ուղղաթիռը»,- ասել է նա:

«Մենք կողմերին կոչ ենք անում խնդիրը կարգավորել խաղաղ ճանապարհով: Սոչիում, Ուելսում եւ Փարիզում նախագահների հանդիպումների ընթացքում որոշակի պայմանավորվածություններ են ձեռք բերվել, և առաջընթաց է գրանցվել: Մենք  կողմերին կոչ ենք անում շարունակել կատարել այդ պայմանավորվածությունները և արդյունքում հասնել վերջնական խաղաղ կարգավորման»,- ասել է ամերիկացի դիվանագետը: