ՌԴ-ն և մյուս միջնորդ երկրները փորձում են հասնել ԼՂ հակամարտության վերջնական կարգավորման․ Զախարովա

Մեկնաբանելով Ադրբեջանի նախագահ Իլհամ Ալիևի հայտարարությունն այն մասին,թե իբր «Ղարաբաղը ողջ աշխարհի կողմից ճանաչված է Ադրբեջանի անբաժան մաս, ՌԴ Արտաքին գործերի նախարարության պաշտոնական ներկայացուցիչ Մարիա Զախարովան ասել է, որ Ռուսաստանը ղարաբաղյան հակամարտության կողմերին միշտ կառուցողական մոտեցման կոչ է արել։

Զախարովան շեշտել է՝ ինքն Ադրբեջանի նախագահի մամուլի քարտուղարը չէ և չգիտե թե ինչ է նկատի ունեցել Ալիևը։

Ըստ Զախարովայի՝ ՌԴ-ն ու միջնորդ մյուս երկրները փորձում են հասնել հակամարտության վերջնական կարգավորմանն ու խնդրի լուծման արագացմանը։

«Մեր կողմից մենք մշտապես կառուցողական մոտեցման կոչ ենք արել կողմերին: Եվ կասկածել, որ հենց դա է նրանց նպատակը, ես չեմ կարող ու չեմ ցանկանում, քանի որ բոլորը պատասխանատու քաղաքական գործիչներ են և արտահայտում են իրենց ժողովուրդների ակնկալիքները»,- ասել է ԱԳՆ ներկայացուցիչը