Էրդողանի նոր նստավայրը փախուստի ստորգետնյա ճանապա՞րհ ունի

Թուրքիայի ընդդիմադիր Ժողովրդա-հանրապետական կուսակցության պատգամավոր Ալի Հայդարը վարչապետ Ահմեդ Դավութօղլուին գրավոր հարց է ուղղել, թե արդյո՞ք Էրդողանի նորակառույց պալատը փախուստի ստորգետնյա ճանապարհ ունի. հայտնում է CNNTURK-ը:

Պատգամավորը մեջբերել է Էրդողանի խոսքերը, թե «Սպիտակ պալատի» համար ծախսվել է 500 միլիոն դոլար, և այն «փախստական պալատ» անվանել:

«Այդ շինությունը կառուցողների խիղճը հանգի՞ստ է: Փախստական պալատն ունի՞ փախուստի ստորգետնյա ճանապարհ»,- հարցրել է պատգամավորը:

Կայքն անդրադարձել է նաև գերմանական Der Spiegel ամսագրի՝ Էրդողանի նստավայրի մասին հոդվածին, որում ասվում է. «Հայտնում են, որ շինությունն ունի փախուստի գաղտնի թունելներ, գաղտնալսումն արգելափակող սենյակներ և պաշտպանված է միջուկային հարձակումներից»: