Նախկին փոխնախարարի «հետգրությունը»

Արդեն հայտնել ենք, որ ՀՀ վարչապետ Հովիկ Աբրահամյանի որոշմամբ` Արտյոմ Գեղամյանն ազատվել է ՀՀ արդարադատության նախարարի տեղակալի պաշտոնից: 

Նախկին փոխնախարարն իր պաշտոնանկությունը մեկնաբանել է Facebook  սոցիալական ցանցի իր էջում.

«Շնորհակալություն եմ հայտնում ՀՀ արդարադատռւթյան նախարար Հովհաննես Մանուկյանին և նրա գլխավորած թիմին համատեղ աշխատանքի համար։ Այս կարճ ժամանակահատվածում մեր նախարարին հաջողվել է իր շուրջը համախմբել դինամիկ, փորձառու և երկրի խնդիրներով անկեղծորեն մտահոգ պրոֆեսիոնալների, որոնք անկասկած հաջողությամբ կլուծեն իրենց առջև դրված խնդիրները։ Նախարարի տեղակալի պաշտոնից հրաժարումս առավելապես պայմանավորված է մասնագիտական հետագա զարգացումս ավելի արդյունավետ հունով տանելու արդարացաված և լեգիտիմ ցանկությամբ։ Իմ գործընկերներին մաղթում եմ անսպառ էներգիա և արդյունավետ աշխատանք»: