Պուտինն ու Ժիրինովսկին ռուսների համար բարոյական հեղինակություն են

Ռուսաստանցիների մեծամասնությունը բարոյական հեղինակություններ ունի հայտնի մարդկանց շրջանում: Այդ մասին են վկայում «Հասարակական կարծիք» հիմնադրամի` վերջերս անցկացրած հարցման արդյունքները. հայտնում է Лента.ру-ն:

Հարցման արդյունքների համաձայն՝ ռուսների 60%-ը հեղինակություններ ունի քաղաքական և մշակույթի գործիչների, գիտնականների և մարզիկների շրջանում:

Այսպես՝ նրանց 36 %-ը հեղինակություն  է համարում ՌԴ նախագահ Վլադիմիր Պուտինին: Մյուս «հայտնի հեղինակությունների» թվում են` ՌԴ ԱԳՆ ղեկավար Սերգեյ Լավրովը (6%), պաշտպանության նախարար Սերգեյ Շոյգուն (5%), Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին (4%):

Հարցմանը մասնակցել է 1500 մասնակից ՌԴ-ի 43 սուբյեկտներից։