Եթե Թուրքիան կապ չունի Դեյր էլ Զորի ահաբեկչության հետ` անհապաղ պետք է դատապարտող հայտարարությամբ հանդես գա. Վիգեն Սարգսյան

ՀՀ նախագահի աշխատակազմի ղեկավար Վիգեն Սարգսյանը ֆեյսբուքյան իր էջում անդրադարձել է Դեյր էլ Զորի ահաբեկչությանը:

«Սեպտեմբերի 21-ին՝ Հայաստանի անկախության օրը, ISIS խմբավորման գրոհայինները պայթեցրել են Սիրիայի Դեյր Էլ Զոր քաղաքի Ալ Ռաշտիե թաղամասում գտնվող հայկական եկեղեցին: Դեյր էլ Զորը անապատ է, որը մահվան ճանապարհ դարձավ 1,5 մլն հայերի համար, որ զոհվեցին Օսմանյան կայսրության կողմից իրականացված Ցեղասպանության արդյունքում:

Դա ևս մեկ ապացույց է այն բանի, որ ցեղասպանություն հանցագործությունը շարունակվում է, քանի դեռ այն լիովին չեն ճանաչել և պատժել: Եթե Թուրքիան որևէ կապ չունի եկեղեցու դեմ կատարված ահաբեկչության հետ, ապա անհապաղ պետք է համապատասխան դատապարտող հայտարարությամբ հանդես գա»,- գրել է նա:

Սարգսյանը նաև հետևյալ տեսանյութն է տեղադրել: