Վրաստանի վարչապետը օգոստոսի 21-22-ին պաշտոնական այցով կլինի Հայաստանում

Վրաստանի վարչապետ Իրակլի Ղարիբաշվիլին օգոստոսի 21-22-ին պաշտոնական այցով կլինի Հայաստանում. հայտնում է Грузия online -ը:

Վրաստանի կառավարությունից հաղորդել են, որ Հայաստանում Ղարիբաշվիլին հանդիպումներ կունենա ՀՀ նախագահ Սերժ Սարգսյանի և վարչապետ Հովիկ Աբրահամյանի հետ:

Հանդիպման ընթացքում կքննարկվեն տնտեսական և քաղաքական հարցեր: Հատկապես ուշադրություն կդարձվի այն իրավիճակին, որն ստեղծվել է Վրաստանի՝ ԵՄ-ի հետ Ասոցացման համաձայնագրի ստորագրումից և Հայաստանի՝ ՄՄ-ին  անդամակցելու հնարավորությունից հետո: Կողմերը մտադիր են քննարկել ծագող հակասություններն և լուծում գտնել:

Բացի այդ, հայկական կողմը մտադիր է բարձրացնել սեպտեմբերի 1-ից Հայաստանի հետ վիզային ռեժիմ սահմանելու Վրաստանի մտադրության հարցը: