ԱԱ-2014. գերմանացիներն անգթորեն ջախջախեցին բրազիլացիներին

Մունդիալ 2014: Կիսաեզրափակիչ փուլի առաջին խաղում Գերմանիայի հավաքականը մրցեց Բրազիլիայի ընտրանու հետ: Տանտերերն արդեն առաջին խաղակեսում զենքերը վայր դրեցին:  11-րդ րոպեին Մյուլլերը բացեց հաշիվը, 23-րդ րոպեին Կլոսեն կրկնապատկեց իր թիմի առավելությունը, իսկ հաջորդ 4 րոպեների ընթացքում Տոնի Կրոսը, դառնալով դուբլի հեղինակ, հաշիվը դարձրեց 4:0: 29-րդ րոպեին Խեդիրան 5-րդ գնդակն ուղարկեց բրազիլացիների դարպասը: Առաջին խաղակեսն ավարտվեց այս հաշվով:

2-րդ խաղակեսում հերթը Շուրլեինն էր: Նա դարձավ դուբլի հեղինակ (58’,  69’): Հանդիպման վերջին րոպեին բրազիլացիները կարողացան հեղինակության գոլ խփել: Աչքի ընկավ Օսկարը: Բրազիլիա-Գերմանիա՝ 1:7