Վոլոդյա Ավետիսյանի գործով դատավճիռը չհրապարակվեց

Այսօր Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում պետք է հրապարակվեր ազատամարտիկ, պահեստազորի գնդապետ Վոլոդյա Ավետիսյանի գործով դատավճիռը, սակայն դատավոր Լևոն Ավետիսյանի վատառողջ լինելու պատճառով դատական նիստը հետաձգվեց:

Մինչ այդ դատարանի շենքի դիմաց հավաքված` ազատամարտիկի ընկերները վանկարկում էին «ազատություն»:

Հիշեցնենք, որ նախորդ դատական նիստում մեղադրող դատախազ Պապիկյանը միջնորդել էր Ավետիսյանին մեղավոր ճանաչել և վերջական պատիժ նշանակել 6 տարի 6 ամիս ժամկետով, ամբաստանյալի գույքի նկատմամբ դրված կալանքը պահպանել, հօգուտ պետական բյուջեի առգրավել 2000 ԱՄՆ դոլար: