Այս պահին Երևանում sett-weather
Փոխարժեքներ 07 10 2024
USD ⚊ $ 386.93
EUR ⚊ € 424.27
RUB ⚊ ₽ 4.02
GBP ⚊ £ 505.41
GEL ⚊ ₾ 141.01
կարևոր
0 դիտում, 10 տարի առաջ - 2014-01-23 12:41
Հասարակություն

Վոլոդյա Ավետիսյանի վատառողջ որդուն ցանկանում են բանակ զորակոչել

Վոլոդյա Ավետիսյանի վատառողջ որդուն ցանկանում են բանակ զորակոչել
Օրեր առաջ լուրեր տարածվեցին, որ արդեն չորս ամիս կալանքի տակ գտնվող ազատամարտիկ, պահեստազորի գնդապետ Վոլոդյա Ավետիսյանի՝ լուրջ հիվանդություն ունեցող որդի Ավետիսին ցանկանում են զորակոչել բանակ: Շատերի մոտ կասկած կար, որ սա պաշտոնաթող գնդապետի հանդեպ իրականացվող հետապնդման մի մասն է. գրում է forrights.am-ը:
Այցելելով կալանավորված ազատամարտիկի տուն՝ պարզվեց, որ կաշառակերության մեջ մեղադրվող գնդապետի ընտանիքը բնակվում է բավական սուղ պայմաններում: 
Ավետիսը ազատամարտիկի երրորդ որդին է, մեծ եղբայրներն արդեն ծառայել են բանակում, իսկ կրտսեր եղբայրն ու երկու քույրերը անչափահաս են: 
Ավետիսի մայրը պատմեց, որ տղան ի սկզբանե էլ լուրջ խնդիրներ է ունեցել առողջության հետ: «Ծնված օրվանից դեղերով եմ պահել, հաճախակի վատանում էր, շատ ալերգիկ է` ամեն բան չի կարելի տալ, դեղերից էլ է ալերգիկ, ամիսներով հիվանդանոցներում եմ պահել»,- ներկայացրեց գնդապետի կինը՝ ասելով, որ տղային առաջին անգամ տարել են ստուգման, երբ իմացել են, որ սրտի աշխատանքի հետ կապված խնդիրներ ունի, իսկ զինվորական հոսպիտալում ստուգում անցնելուց հետո հաստատվել է, որ Ավետիսը վահանաձև գեղձի խնդիր ունի (զոբ): 
Առաջին անգամ՝ 2012թ.-ին,  զինվորական բժշկական  հանձնաժողովը այդ խնդրի պատճառով տարկետում է տվել մեկ  տարով, հաջորդ տարի ևս նույն պատճառով մի տարի տարկետում է տրվել, սակայն, այս տարի ստուգելով, համարել են, որ այս անգամ տղան առողջ է և պատրաստ է զինծառայության:  
Ընտանիքը, սակայն, պնդում է, որ տղայի մոտ որևէ փոփոխություն չի եղել, և նա նախկինի պես դեղորայք է ընդունում և մշտական հսկողության անհրաժեշտություն ունի: 
«Իմ երեխան հիվանդ է: Երևի հոր պատճառով է էս ամենը, եթե մի բան լինի իրենք պատասխան կտա՞ն երեխայի վատանալու համար: Տեսանք` մի քանի օր առաջ տասը օրվա ծառայողը մահացավ ալերգիայից, դե թող պատասխան տան էդ երեխու ծնողներին»,- զայրացած ասում է Ավետիսի մայրը: 
Շարունակությունը` այստեղ:
բաժանորդագրվել
Նմանատիպ նյութեր
Կայքի հին տարբերակը

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը