Վոլոդյա Ավետիսյանի գործով հերթական ինքնաբացարկը` դատավորին

Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դատավոր Լևոն Ավետիսյանը քիչ առաջ հեռացավ խորհրդակցական սենյակ` ազատամարտիկ Վոլոդյա Ավետիսյանի պաշտպան Արա Զաքարյանի` իր դեմ ներկայացրած ինքնաբացարկի միջնորդությունը քննարկելու. դատարանից հայտնում է Yerkir.am-ի թղթակիցը:

Պաշտպանը հերթական անգամ կասկածի տակ է դնում դատավորի անաչառությունն ու անկողմնակալությունը: Հիշեցնենք, որ ազատամարտիկի գործով առաջին նիստի ժամանակ էլ պաշտպանը հանդես էր եկել նմանատիպ միջնորդությամբ, որը, սակայն, մերժվել էր:

Նշենք նաև, որ մինչ դատական նիստի մեկնարկը ազատամարտիկը ցանկանում էր հայտարարություն անել, սակայն նրան ուղեկցող ոստիկանները թույլ չտվեցին:

Ի դեպ, այս անգամ Վոլոդյայի ազատամարտիկ ընկերները դատարան են ներկայացել «Ռեժի'մ, ես հայ եմ, սպանի´ր ինձ» գրությամբ վերնաշապիկներով, որից կրում էր նաեւ ազատամարտիկը:

Դատական նիստին էր ներկայացել «Նոր քաղաքական մշակույթ» կուսակցության նախագահ Անի Զախարյանը: