«Շիրակ»-ը պայմանագիր կնքեց 2 նոր ֆուտբոլիստների հետ

«Շիրակ»-ը շարունակում է նախապատրաստվել Եվրոպա Լիգայի հանդիպումներին: Ինչպես տեղեկացնում է ակումբի պաշտոնական կայքը, թիմը լրջորեն համալրում է կազմը կարևոր հանդիպումներից առաջ: Երեկ ակումբը  պայմանագրեր կնքեց երկու նոր ֆուտբոլիստների հետ: 

Ազգությամբ հայ՝ 18-ամյա  պաշտպան Անդրեյ Գամալյանը, ով արդեն երկու շաբաթ էլ փորձաշրջան էր անցնում «Շիրակ»-ի կազմում,   մեկ տարվա պայմանագիր կնքեց թիմի հետ: Գամալյանը մինչև 2015թ. մայիսի 31-ը վարձակալությամբ հանդես կգա «Շիրակ»-ի կազմում: Հիշեցնենք, որ նա «Կրասնոդար»-ի սան է: 

 «Շիրակ»-ին է միացել նաև «Կրասնոդար»-ի մեկ այլ սան՝ 18-ամյա երիտասարդ դարպասապահ Վսեւոլոդ Երմակովը: Նրա պայմանագիրը նախատեսված է մինչև սույն թվականի դեկտեմբերի 31-ը: Երմակովն էլ վարձակալության հիմունքներով հանդես կգա թիմում  և կմասնակցի միայն Եվրոպա Լիգայի խաղերին: