Ըմբշամարտ. Գոռ Գրիգորյանը հաղթեց թուրք մարզիկին և նվաճեց Եվրոպայի առաջնության բրոնզե մեդալը

Լեհաստանի Կատովիցե քաղաքում մեկնարկել է ըմբշամարտի Եվրոպայի երիտասարդական  առաջնությունը: Երեկ հանդես եկան ազատ ոճի ըմբշամարտի Հայաստանի հավաքականի 4 անդամներ: Նրանցից միայն Գոռ Գրիգորյանը հնարավորություն ստացավ պայքարելու մեդալի համար:

Նա 1/8-րդ եզրափակիչում 10:7 հաշվով առավելության հասավ Մոլդովայի պատվիրակ Մաքսիմ Սասուլթանի նկատամամբ, սակայն զիջեց ռուսաստանցի Իմամ Աջիևին, ինչը պատճառով հնարավորություն ստացավ  սփոփիչ գոտեմարտը հաջող անցկացնելու դեպքում պայքարել բրոնզե մեդալի համար: Մեր ըմբիշին սփոփիչ մենամարտում հաջողվեց բացահայտ առավելությամբ՝ 14:3 հաշվով հաղթել ռումինացի Գաբրիել Բադեային և  3-րդ տեղի համար գոտեմարտում ուժերը չափել Թուրքիան ներկայացնող Մեհմեդ Ալի Դալյակի հետ:

Եվ ահա հայ ըմբիշը,  5:2 հաշվով  պարտության մատնելով Թուրքիայի ներկայացուցչին, դարձավ Եվրոպայի առաջնության բրոնզե մեդալակիր: