Խուզարկություն` Օսիպյանի եղբոր տանը

Հունիսի 2-ին, ոստիկանության քննչական գլխավոր վարչության Երևանի քննչական վարչության Էրեբունու քննչական բաժնի քննիչ Արմեն Մաթևոսյանի գլխավորությամբ, նույն բաժնի քննչական խումբը խուզարկություններ է կատարել Նուբարաշեն վարչական շրջանում բնակվող` Երևանի փոխոստիկանապետ Վալերի Օսիպյանի եղբոր և նույն համայնքի բնակիչ Սարգիս Հովհաննիսյանի բնակարաններում: Այս մասին հայտնում է shamshyan.com-ը:

Ֆոտոլրագրող Գագիկ Շամշյանի տեղեկացմամբ` խուզարկության պատճառը եղել է քննչական բաժնում հարուցված քրեական գործը` ՀՀ քրեական օրենսգրքի 112 հոդվածի 1-ին մասի (դիտավորությամբ մեկ ուրիշին մարմնական վնասվածք պատճառելը կամ առողջությանն այլ ծանր վնաս պատճառելը, որը վտանգավոր է կյանքի համար) հատկանիշներով: Քրգործը հարուցվել է հունիսի 2-ին Նուբարաշենում տեղի ունեցած դանակահարության փաստով:

Ավելի վաղ ֆոտոլրագրողը հայտնել էր, որ «Էրեբունի» բժշկական կենտրոն էր տեղափոխվել որովայնի մասում դանակի հարվածից ծանր վնասվածք ստացած մի քաղաքացի: Վերջինս Նուբարաշեն վարչական շրջանի բնակիչ, 22-ամյա Վանուշ Ալեքսանյանն է

Մանրամասները` սկզբնաղբյուր կայքում: