Ազատության հրապարակում մեկնարկել է «Վերջին զանգին» նվիրված գլխավոր միջոցառումը

Վաղ առավոտից մայրաքաղաքի դպրոցներում մեկնարկած «Վերջին զանգի» տոնական միջոցառումներն ամփոփվել են Ազատության հրապարկում կազմակերպված համերգով: Օրվա գլխավոր միջոցառման ընթացքում հիմնական և ավագ դպրոցների շրջանավարտներին իրենց ելույթներով ողջունում են հայկական էստրադայի հայտնի արտիստներն ու երգիչ-երգչուհիները

Ազատության հրապարակ են այցելել Երևանի քաղաքապետ Տարոն Մարգարյանը և կրթության և գիտության նախարար Արմեն Աշոտյանը՝ շնորհավորելու շրջանավարտներին, նրանց ծնողներին և ուսուցիչներին:

Վերջին զանգին նվիրված տոնական համերգային ծրագիրը շարունակվելու է մինչև ուշ երեկո և կեզրափակվի տոնական հրավառությամբ: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: