ԱՄՆ-ը չի հավատում Ալիևի վարչակազմի արդարացումներին

ԱՄՆ-ը չի հավատում Ալիևի վարչակազմի արդարացումներին. գրում է ադրբեջանական haqqin.az-ը:

Բանն այն է, որ պաշտոնական Վաշինգտոնը դարձյալ կոչ է արել Ադրբեջանի կառավարությանը` կատարել իրավունքի ոլորտում իր միջազգային պարտականությունները: Այդ մասին, ըստ АПА-ի, հայտարարել է ԵԱՀԿ մշտական խորհրդի ամերիկացի ներկայացուցիչ Քրիստոֆեր Ռոբինսոնը:

«Անցյալ շաբաթ մենք ուշադիր լսում էինք Բաքվի՝ ԵՄ-ին տրված պատասխանները՝ կապված քաղաքացիական ակտիվիստների ձերբակալության, հետապնդումների և դատավճիռների հետ: Հարկավոր է ասել, որ հիասթափված ենք Բաքվի բացատրություններից: Մենք շարունակում ենք ականատես լինել քաղաքացիական հանրության և լրագրողների նկատմամբ ճնշումներին»,- ասված է Ռոբինսոնի հայտարարության մեջ: