Տեխասում ձերբակալել են 31-ամյա դպրոցականի

Տեխասի ոստիկանությունը կալանավորել է 31-ամյա ամերիկուհի Չերիթի Ջոնսոնին, ով իրեն ներկայացրել է որպես 15-ամյա դպրոցական: Այս մասին հայտնում է «Ռոյթերսը»:

2013թ. հոկտեմբերին կինն ընդունվել է New Life Christian կոչվող դպրոց՝ ինքն իրեն անվանելով որբ Չարիթե Սթիվենս, և 8 ամիս շարունակ մասնակցել դասերին:

Ջոնսոնը դպրոցի ղեկավարությանն ասել է, թե փախել է այլ քաղաքում ապրող ընտանիքից, որտեղ իր նկատմամբ բռնություն է կիրառվել: Կարծելով, թե անչափահաս է, ոչ ոք Ջոնսոնից չի պահանջել անձը հաստատող փաստաթղթեր:

Մի անծանթ կին՝ Թամիկա Լինքոլն անունով, նույնիսկ սկսել է հոգ տանել Ջոնսոնի մասին, նրա համար գնել սնունդ, հագուստ, անգամ հյուսել «աղջնակի» մազերը: Սակայն ինչ-որ պահի խնամակալը սկսել է կասկածել «որբուհու» պատմած կենսագրության ճշմարտացիությանը և դիմել է ոստիկանություն:

Հետաքննության արդյունքում ոստիկանները պարզել են Ջոնսոնի ինքնությունը և ձերբակալել նրան՝ առաջադրելով սեփական անձի մասին կանխամտածված սուտ տեղեկատվություն ներկայացնելու մեղադրանք: