Պարգևատրում՝ Ժիրինովսկիին նախատելու համար

Արդեն հայտնել ենք, որ Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին նվաստացրել է Россия сегодня-ի լրագրողուհուն՝ հաշվի չառնելով անգամ նրա հղի լինելու փաստը: Նրան հունից հանել է լրագրողուհու հարցը՝ պե՞տք է, արդյոք, պատասխան պատժամիջոցներ սահմանել Ուկրաինայի նկատմամբ (երկրի իշխանությունները որոշել են արգելել ռուս տղամարդկանց մուտքը երկիր):  

Հիշեցնենք, որ Ժիրինովսկին վիրավորել է նաև Интерфакс-ի թղթակցին, ով փորձում էր պաշտպանել իր գործընկերուը, անգամ սպառնացել է, որ աղջիկը կզրկվի Интерфакс-ում աշխատանքից:

Лента. ру-ն հայտնում է, որ Интерфакс-ը գումարային պարգևի է արժանացրել իր՝  Ժիրինովսկիին ամոթանք տված և նման վարքի համար նախատած թղթակից Յուլիա Չուչալովային: