Յանուկովիչը զինված ներխուժում է պատրաստում Ուկրաինա

Ուկրաինայի պաշտոնանկ նախագահ Վիկտոր Յանուկովիչը պատրաստվում է վերադարձնել իշխանությունը. գրում է Наша Версия պարբերականը:

«Մարտի 25-26-ը սրտի հաջող վիրահատություն տարած Յանուկովիչը շուտով կհայտարարի երկրում ռազմական գործողություն սկսելու մասին: Այս կերպ նա կկատարի Ուկրաինայի հարավային և  արևելյան հատվածների բնակիչների՝ իրենց պաշտպանելու մասին պահանջը»,- գրում է պարբերականը:

Նշվում է, որ կա մի ուժ, որ կարող է օգնել Յանուկովիչին՝ Ուկրաինայի նախկին ՊՆ ղեկավար Պավել Լեբեդևը. նա վերջին ժամանակահատվածում միշտ եղել է Յանուկովիչի կողքին: Բացի այդ, պարբերականի տվյալներով, լոյալ են ոչ միայն բանակը, այլ նաև ինքնապաշտպանության ուժերը: