Գաղտնալսում եք` լսեք. Էրդողանը հանգիստ է

Ըստ Haberler-ի` Թուրքիայի վարչապետ Ռեջեփ Թայիփ Էրդողանը հյուրընկալվել է A Haber-ի և Atv-ի համատեղ ծրագրին և ուղիղ եթերում պատասխանել հարցերին: Նա անդրադարձել է վերջերս համացանցում հայտված ձայնագրություններին` ասելով, որ Թուրքիայի ժողովուրդը կուլ է գնում Facebook-ին և Youtube-ին, սակայն ինքը թույլ չի տա նման բան, և եթե հարկ լինի, կփակի այդ երկու սոցցանցերը:

Էրդողանը հավելել է նաև, որ չի հասկանում որոշ ցուցարարների պարզած պաստառների «հորինված» գրությունները, և թե ի՞նչ են նրանք ուզում դրանցով ասել: Նա հայտնել է, որ դադարել է օգտագործել գաղտնիությունն ապահովող հեռախոսներ: «Լսում եք` լսեք: Սա արդեն ավելի է, քան խայտառակություն»,- ասել է Էրդողանը: