Ուկրաինայի առաջին նախագահը Պուտինին շիզոֆրենիկ է անվանել

Ուկրաինայի առաջին նախագահ Լեոնիդ Կրավչուկը պատրաստ է զենք վերցնել և պաշտպանել իր երկիրը. հայտնում է ТСН-ն:

«Ես ռուսական իշխանություններին կոչ եմ անում կանգ առնել: Մեր ժողովուրդների միջև չպետք է պատերազմ լինի: Մի՞թե Ռուսաստանը չի հասկանում, որ դա երրորդ համաշխարհային պատերազմի սկիզբն է»,- հայտարարել է Կրավչուկը:

Նա ասել է, որ Ուկրաինայի ցանկացած քաղաքացի ոտքի կկանգնի` իր երկիրը պաշտպանելու համար: «Ես 80 տարեկան եմ, բայց զենք կվերցնեմ և կպաշտպանեմ իմ հողը»,- ասել է Կրավչուկը:

«Մենք ունենք Չեչնիայի փորձը: Որքա^~ն խաղաղ բնակիչ է զոհվել այնտեղ: Պատերազմում զոհվում են ոչ միայն զինվորականներ, որոնց պրոֆեսիոնալ պարտքն է կռվելը: Կան նաև ծերեր, կանայք, երեխաներ… Նրանք նույնպե՞ս պետք է մեռնեն ինչ-որ շիզոֆրենիկի պատճառով», -ասել է նա: