ԱԱԾ-ն չի՞ հարցաքննել լրագրողին

Երեկ «Հայկական ժամանակը» անդրադարձել էր իր թղթակցի հետ ԵՊՀ-ում կատարվածին: «Երեկ առավոտյան ԵՊՀ կադրերի բաժնից զանգահարել են իրենց թղթակցին, ով ուսանում է այս բուհում եւ շտապ հրավիրել գլխավոր մասնաշենք, այսպես կոչված Զինկոմի բաժին՝ ասելով, որ իրեն ցանկանում են տեսնել զինծառայության հետ կապված հարցերով: Բուհում լրագրողին ուղեկցել են մի սենյակ, որտեղ երկու հոգի նրան են սպասելիս եղել, թողել են այս երկուսի հետ միայնակ եւ դուռը փակել»,- գրել էր թերթը և նկարագրել որպես Արթուր Գևորգյան ներկայացած անձի հետ թղթակցի զրույցը: Ըստ թերթի` ակնհայտ է, որ Հայաստանի ԱԱԾ-ն պարզապես փորձել է հավաքագրել «ՀԺ»-ի թղթակցին:

Սակայն այսօր yerkir.am-ի հետ զրույցում ԱԱԾ մամլո խոսնակ Արծվին Բաղրամյանը նշեց, որ ԱԱԾ-ն որևէ առնչություն չունի դեպքին, և որ իրենք նման անունով աշխատակից չունեն: «Դա հեչ մեր հիմնարկին վերաբերող նյութ չի, այդ անունները որևէ կապ չունեն ԱԱԾ-ի հետ` գրածից երևում է»,- ասաց նա: