Յանուկովիչը սիրո պակաս է ունեցել. հոգեբանը մեկնաբանել է նրա տան ճոխությունը

Ուկրաինացի դիզայներն ու հոգեբանը մեկնաբանել են Վիկտոր Յանուկովիչի ու նախկին գլխավոր դատախազ Վիկտոր Պշոնկայի տների ճոխությունը. հայտնում է comments.ua-ն:

Ինտերիերի դիզայներ Նատալյան հարստության և ճոխության տեսանկյունից երևակայությունն ապշեցնող ոչինչ չի տեսել Յանուկովիչի նստավայրում: Իսկ դատախազի տան ինտերիերը խոսում է այն մասին, որ նա փորձել է նմանակել միջնադարյան առաջնորդներին։

Հոգեբանները նշում են, որ նարցիսիզմը, սերը շքեղության հանդեպ և առանձնանալու ցանկությունը լուրջ հոգեկան խնդիրների մասին են վկայում։ Ըստ Օլգա Կրիժանովսկայայի՝ Պշոնկան մեկուսացրել է իրեն աշխարհից և շատ հեռուն է գնացել իրականությունից: Նրա խոսքով՝ մարդիկ, ովքեր  շրջապատում են իրենց ոչ թե մտերիմ մարդկանցով, այլ կալվածքներով, բնակարաններով և տներով, խորապես դժբախտ են և տառապում են սիրո պակասից։