Իսկ Կարեն Ավագյանով լրջորեն պետք է զբաղվեն իրավապահ մարմինները. Անի Գևորգյան

«Կոչ եմ անում իրավապահ մարմիններին` միջադեպի մասին իմ բոլոր հարցազրույցները` լրատվամիջոցներին, ընդունել որպես հաղորդում հանցագործության մասին»,- Yerkir.am-ի հետ զրույցում ասաց լրագրող Անի Գևորգյանը:

Հիշեցնենք, որ 2 օր առաջ՝ մարտի 1-ի հանրահավաքի մասին իրազեկման ժամանակ, ոստիկաններն ուժի կիրառմամբ բերման են ենթարկել լրագրողների և ՀԱԿ ակտիվիստների։ Անի Գևորգյանի կարծիքով` քիչ հավանական է, որ ոստիկանությունը ինչ-որ քայլեր ձեռնարկի, բայց իր դիրքորոշումը մնում է անփոփոխ:

Խոսելով վերոնշյալ միջադեպի առնչությամբ ԱԺ ՀՀԿ խմբակցության պատգամավոր Կարեն Ավագյանի մեկնաբանությունների մասին, որոնք ունեին սպառնալիքների ենթատեքստ, Անի Գևորգյանն ասաց. «Նրանով շատ լրջորեն պետք է զբաղվեն իրավապահ մարմինները, որովհետև այն սպառնալիքները, որոնք հնչեցնում են Կարեն Ավագյանը և այլ հանրապետականներ, դրանք քրեական հետապնդում ենթադրող հայտարարություններ են»: