Էրդողանը կաշառե՞լ է հայտնի ֆուտբոլիստին

Թուրքիայում իշխող «Արդարություն և զարգացում» կուսակցությունից դուրս եկած` Կ.Պոլսից ընտրված արդեն անկախ պատգամավոր, հայտնի ֆուտբոլիստ Հաքան Շուքուրը մի շարք հայտարարություններ է արել դեկտեմբերի 17-ի գործողության մասին. հայտնում է hurriyet-ը:

Շուքուրը, համոզված լինելով, որ եղել է կաշառակերություն, ասել է. «25 տարի ֆուտբոլ եմ խաղացել, 4,5 միլիոն դոլար չունեմ: Իսկ «Հալք» բանկի տնօրենն ունի»:

Լրագրողների հարցին, թե ի՞ր ցանկությունն է եղել լինել պատգամավոր, Շուքուրը պատասխանել է. «Դա վարչապետի առաջարկն էր: Նա իր ծննդյան օրը` փետրվարի 26-ին, ինձ նույնպես հրավիրել էր Դոլմաբահչե պալատ: Ես չէի մտածում, որ նման բան կառաջարկի: Սակայն ընդունեցի` մտածելով` երկրի վարչապետն է»: