Հենրիխ Մխիթարյանը դարձավ 25 տարեկան

Ֆուտբոլի Հայաստանի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանը տոնում է ծննդյան 25-ամյակը:

Հայ ֆուտբոլիստը ֆեյբուքյան իր պաշտոնական էջում շնորհակալություն է հայտնել բոլոր շնորհավորանքների և ջերմ մաղթանքների համար, նաև նշել, որ ժամանակն իսկապես արագ է թռչում:

Հենրիխ Մխիթարյանը ծնվել է 1989-ին Երևանում: Ֆուտբոլային պրոֆեսիոնալ կարիերան սկսել է  Երևանի «Փյունիկ» ակումբում՝ 2006-ին: Մխիթարյանը չորս անգամ ճանաչվել է Հայաստանի լավագույն ֆուտբոլիստ (2009, 2011, 2012, 2013):

Անկախ Հայաստանի պատմության լավագույն ֆուտբոլիստը, չնայած մեծ ձեռքբերումներին, շարունակում է մնալ համեստ, աշխատասեր և, ինչպես ինքն է ասում,  երևանցի հասարակ տղա: