900 ուսանողի վարձավճարների 50-100 տոկոս փոխհատուցում կհատկացվի

Ընթացիկ տարում Սփյուռքի` 30 երկրում գործող դպրոցներին տրամադրվել են շուրջ 62 000 օրինակ դասագիրք եւ այլ ուսումնական օժանդակ նյութեր. լրագրողների հետ հանդիպման ժամանակ նշեց ՀՀ ԿԳ նախարար Արմեն Աշոտյանը:

Նախարարը տեղեկացրեց, որ ԿԳՆ-ի կողմից երաշխավորվել են Սփյուռքում ստեղծված 2 ուսումնական ձեռնարկներ։

«Նախարարությունը ՀՀ պետական բյուջեի միջոցների հաշվին Ջավախքի դպրոցներին հատկացրել է դպրոցական գույք /շուրջ 600 սեղան եւ 900 աթոռ/, ինչպես նաեւ 14 700 օրինակ ուսումնական գրականություն»,- ասաց նա:

Աշոտյանը տեղեկացրեց նաեւ, որ «Փարոս»-ի միջոցով 900 ուսանողի  վարձավճարների 50-100 տոկոս փոխհատուցում կհատկացվի:

«Սկզբում օգնությունը տրամադրվում էր` հաշվի առնելով ուսանողների ՄՈԳ-ը, սակայն նախորդ տարվա արդյունքները ցույց տվեցին, որ դրանք բավական ցածր են, հետեւաբար` ավելի քիչ թվով ուսանողներ էին կարողանում օգտվել դրանից: Իսկ այս տարի ՄՈԳ-ի միջին շեմն իջեցրեցինք, արդյունքում` 845 ուսանող պետությունից օգնություն կստանա»,- ասաց նախարարը: