Մինսկում կայացավ ԱՊՀ երկրների Երիտասարդության հարցերով խորհրդի նիստը

2013 թվականի նոյեմբերի 14-15-ը Մինսկում կայացավ Անկախ պետությունների համագարծակցության անդամ երկրների Երիտասարդության հարցերով խորհրդի նիստը. տեղեկացնում է msy.am-ը:

Նիստի աշխատանքներին մասնակցում էր խորհրդի անդամ, ՀՀ սպորտի և երիտասարդության հարցերի նախարարի տեղակալ Ա. Քարամյանը:

Այլ հարցերի շարքում նիստի օրակարգում ընդգրկված էր Երիտասարդության հարցերով խորհրդի նախագահի ընտրության հարցը: Խորհրդի նախագահ ընտրվեց Բելառուսի Հանրապետության կրթության նախարարի տեղակալ Վ. Յակժիկը, համանախագահ՝ Ա. Քարամյանը:

Խորհրդի մեկ այլ որոշմամբ` հաստատվեց, որ  խորհրդի առաջիկա նիստը գումարվելու է 2014 թ. ապրիլի 25-ից մայիսի 5-ն ընկած ժամանակահատվածում Հայաստանի Հանրապետության երիտասարդական մայրաքաղաք Սիսիանում: Այն կարևորվում է Հայաստանի Հանրապետությունում տարվող պետական երիտասարդական քաղաքականության մասին տեղեկատվության հանրայնացմամբ` ԱՊՀ մասնակից երկրների շրջանում, ինչպես նաև ԱՊՀ անդամ երկրների Երիտասարդության հարցերի խորհրդում ակտիվ դերակատարություն ստանձնելու հանգամանքով: