Էրդողանը` Թուրքիայի նախագա՞հ

Թուրքիայի նախագահ Աբդուլլահ Գյուլն անցած շաբաթ Շոտլանդիա կատարած այցելության ընթացքում հարցազրույց է տվել The Guardian թերթին:

Ըստ taraf.com-ի` թերթը գրել է, որ Թուրքիայի նախագահը 2014 թվականին կայանալիք նախագահական ընտրություններին դնելու է իր թեկնածությունը:

«Թուրքիայի նախագահ Աբդուլլահ Գյուլը մյուս տարի կայանալիք նախագահական ընտրություններին դնելու է իր թեկնածությունը  և պատրաստ է մարտահրավեր նետել Թուրքիայի վարչապետի Ռեջեփ Թայիփ Էրդողանին»,- գրում է «The Guardian» թերթի փորձառու խմբագիր Սիմոն Թիսդալլին:

Թուրքիայի նախագահի մամուլի գլխավոր խորհրդատուն հերքել է այս տեղեկությունը` ասելով, որ դա լրագրողի սեփական մեկնաբանությունն է: 

«Իշխող կուսակցությունը Էրդողանի հետ հիմնեցինք: Մենք ենք կուսակցության հիմնադիրները: Կուսակցությունը իշխանության մենք հասցրեցինք և Թուրքիան միասին փոխեցինք: Էրդողանը ընկերս է և տարիներ շարունակ ուս ուսի ենք աշխատել»,- հարցազրույցի ժամանակ ասել է Գյուլը: