Մաշտոցի պուրակի ոչխարներին ''տարան քաղմաս''

Այսօր Մաշտոցի պուրակ էին ժամանել մի խումբ գյուղացիներ` իրենց հետ բերելով այծեր ու ոչխարներ, որոնց վրա գրված էր. «Պայքարում ենք օլիգարխի դեմ»: Պարզվեց` ակցիայի հեղինակները պատգամավոր Սամվել Ալեքսանյանի կողմնակիցներն էին:

Ոչխարներն իրենց տեսքով բավականին զվարճացրին քաղաքաբնակներին, անցորդներից ոմանք անգամ սկսեցին տեսանկարահանել «հյուրերին»: Սակայն քաղաքացիների ուրախությունը երկար չտևեց: Մոտ մեկ ժամ պուրակում դեգերելուց հետո գյուղացիները ոչխարներին «բռնի ուժով» տեղափոխեցին նրանց համար նախատեսված մեքենան ու տարան: Ներկաներից մեկն էլ կատակով հետաքրքվեց. «Տանում եք քաղմա՞ս»:

Ի դեպ` գյուղացիների և ոչխարների անվտանգությունն ապահովելու համար Մաշտոցի պուրակ էին ժամանել նաև ոստիկանները:

Մանրամասները` yerkir.am-ի տեսանյութում: