Մոնիկա Բելուչին ադրբեջանցի օլիգարխի հետ սիրավեպ չի ունեցել

Հայտնի իտալացի դերասանուհի Մոնիկա Բելուչին հերքել է ադրբեջանցի օլիգարխ, Մոսկվայի Չերկիզովսկի շուկայի նախկին սեփականատեր Թելման Իսմայիլովի հետ սիրավեպի մասին լուրերը. հայտնում է Полит.ру-ն: Այդ մասին Բելուչին հայտնել է իտալական Vanity Fair պարբերականին տված հարցազրույցում: 

Բելուչիի խոսքերով՝ այդ խոսակցությունները լիովին անհիմն են: Օգոստոսին նա 14 տարվա համատեղ կյանքից հետո հեռացավ իր ամուսնուց՝ Վենսան Կասելից, ինչից հետ ԶԼՄ-ներում լուրեր տարածվեցին, թե դերասանուհին  թողել է ամուսնուն Իսմայիլովի համար:

Բելուչին, սակայն, հարցազրույցում հայտնել է, որ ամուսնալուծության պատճառն այն է, որ ինքը  և Կասելը սկսեցին զարգանալ տարբեր ուղղություններով: