Ռայան Գիգզը սիրավեպ ունի եղբոր կնոջ հետ

Վերջերս «Մանչեսթեր Յունայթեդի» կիսապաշտպան Ռայան Գիգզի և «Մեծ եղբայր» շոուի մասնակից Իմոջեն Թոմասի սիրավեպի շուրջ սկանդալ ծավալվեց: Սակայն դա ի՞նչ էր այս մեկի դիմաց. պարզվում է ամուսնացած ֆուտբոլիստը սիրավեպ ունի եղբոր կնոջ հետ. հայտնում է  News of the World-ը:

Ըստ աղբյուրի` 28-ամյա Նատաշայի և Գիգզի սիրավեպը ձգվել է 8 տարի:

Նրանք ծանոթացել են 2003-ին, գիշերային ակումբում, երբ Նատաշան դեռ միայնակ էր: Հենց Ռայանի շնորհիվ էլ  եղբայրը` Ռոդրինը, ծանոթացել է Նատաշայի հետ:

«Նա հասկանում էր, որ սխալ է վարվում, փորձում էր դադարեցնել հարաբերությունները, սակայն այդ շփումը նրա համար թմրանյութի պես բան էր դարձել: Նատաշան կատարում էր ֆուտբոլիստի կարգադրությունները և չէր կարողանում մերժել: Հանդիպման պայմանները Ռայանն էր թելադրում: Նա երբեք սեր չի խոստովանել Նատաշային, երբեք ռոմանտիկ չի եղել նրա հետ: Նրանց հարաբերությունները զուտ ֆիզիկական բնույթ են կրում»,- ասել է Նատաշայի ընկերներից մեկը: