Թուրքիան պետք է ներողություն խնդրի. Թոմիսլավ Նիկոլիչ

Օրեր առաջ, Կոսովոյում ելույթ ունենալով, Թուրքիայի վարչապետ Էրդողանն ասել էր. «Կոսովոն Թուրքիա է, Թուրքիան` Կոսովո»: Այդ արտահայտության դեմ արձագանքները չեն դադարում:  

Haberler.com-ը հայտնում է, որ  Թուրքիայի վարչապետի արտահայտությունը Կոսովոն իր տարածքը համարող Սերբիային խիստ անհանգստություն է պատճառել: Սերբիայի նախագահ Նիկոլիչը հանդես է եկել հայտարարությամբ. «Էրդողանի արտահայտությունը կոպիտ էր: Մինչև Թուրքիան ներողություն չխնդրի, ես չեմ մասնակցի Սերբիա-Բոսնիա-Հերցեգովինա-Թուրքիա հանդիպումներին»:

Հիշեցնենք, որ նման վերջին հանդիպումը տեղի էր ունեցել Անկարայում, և Սերբիայի նախագահը Թուրքիայի նախագահ Աբդուլլահ Գյուլից պահանջել էր վերջ տալ լոբբիստական գործունեությանը Կոսովոյի անկախությունը ճանաչելու ուղղությամբ: