Գյումրիում ռուս զինվորների են կողոպտել

Գյումրիում ռուս զինծառայողների են կողոպտել:

Հոկտեմբերի 22-ին ոստիկանության Մուշի բաժին է դիմել Գյումրի քաղաքում տեղակայված ՌԴ զորամասի ժամկետային զինծառայող, 1994 թ. ծնված Նիկիտա Կ.-ն և հայտնել, որ նույն օրը` ժամը 13.00-ի սահմաններում, ինքը և նույն զորամասի ժամկետային զինծառայող, 1994 թ. ծնված Պավել Պ.-ն «Մոսկվիչ» մակնիշի տաքսի ավտոմեքենայով Գյումրի քաղաքի «Մայր Հայաստան» հուշահամալիրի մոտից ուղևորվել են Բուլվարային թաղամաս, սակայն ճանապարհին վարորդը մեքենան վարել է մի անմարդաբնակ վայր, որտեղ իրենց են մոտեցել երեք անծանոթ երիտասարդներ, որոնցից մեկը դանակի սպառնալիքով, իրեն և իր ծառայակցին իջեցնելով ավտոմեքենայից, հափշտակել է յուրաքանչյուրից 10.000-ական ռուբլի և երկու բջջային հեռախոս` համապատասխանաբար 83.000 և 80.000 դրամ արժողության:

Ձեռնարկված օպերատիվ-հետախուզական միջոցառումների շնորհիվ ոստիկանության Մուշի բաժնի ծառայողների և Շիրակի մարզային վարչության վետերանների խորհրդի կողմից պարզվել է, որ հանցագործությունը կատարել են 1981 թ. ծնված Անդրանիկ Մ.-ն, 1994 թ. ծնված Դավիթ Գ.-ն, 1989 թ. ծնված Ռոբերտ Մ.-ն և 1995 թ. ծնված Ջոնիկ Մ.-ն: Անդրանիկ Մ.-ն և Ջոնիկ Մ.-ն ձերբակալված են: Հանցագործության գործիք դանակն առգրավված է: Ձեռնարկվում են միջոցառումներ Դավիթ Գ.-ին և Ռոբերտ Մ.-ին հայտնաբերելու ուղղությամբ: Կատարվում է նախաքննություն: