Թուրք պատվիրակներն ընտրել են ՕԵԿ պատգամավորին

Հոկտեմբերի 15-ին Ռումինիայի մայրաքաղաք Բուխարեստում տեղի ունեցած Սևծովյան Տնտեսական Համագործակցության Խորհրդարանական Վեհաժողովի Քաղաքական և իրավական կոմիտեի հերթական նիստի ժամանակ կոմիտեի փոխնախագահի պաշտոնում ընտրվել է Հայաստանի պատվիրակ Հովհաննես Մարգարյանը: Նշենք, որ պատգամավորն ընտրվել է կոմիտեի մասնակից մեկ տասնյակ երկրների, այդ թվում Ադրբեջանի և Թուրքիայի ներկայացուցիչների միանձնյա որոշմամաբ:

Այսօր ԱԺ-ում լրագրողների հետ հանդիպման ժամանակ Yerkir.am-ի լրագրողը հետաքրքրվեց, թե ինչպես է ստացվել, որ Ադրբեջանի և Թուրքիայի պատվիրակները կողմ են եղել նրա թեկնածությանը:

«Եթե անգամ նրանք դեմ լինեին, միևնույն է մեծամասնությունը կողմ էր իր թեկնածությանը և ես կընտրվեի, սակայն ի զարմանս մեզ ` Թուրքիայի 5-6 ներկայացուցիչներն  դեմ չեն եղել, որ ես դառնամ փոխնախագահ»:

Մարգարյանի խոսքով, սակայն ադրբեջանցիները չէին ցանկանա, որ ինքն ընտրվեր:

Նշենք, որ կոմիտեի նախագահի տեղակալի պաշտոնում հայ պատգամավորի թեկնածությունն առաջարկել էր Ռուսատանի ներկայացուցիչը: