ՀՀ-ԼՂՀ առաջին համատեղ ուսումնավարժությունը

ԼՂՀ Շուշիի շրջանում երեկ մեկնարկել է խոշոր համատեղ հրամանատարաշտաբային ուսումնավարժություն՝ «ԼՂՀ Շուշիի շրջանում ուժեղ երկրաշարժի հետևանքների վերացման ժամանակ փրկարարական և անհետաձգելի վթարավերականգնողական աշխատանքների կազմակերպումը և իրականացումը» թեմայով:

Ուսումնավարժությանը մասնակցում են ՀՀ ԱԻ նախարարության ստորաբաժանումները` նախարար Ա. Երիցյանի գլխավորությամբ, «Սեյսմիկ պաշտպանության արևելյան ծառայություն» ՊՈԱԿ-ը, ԼՂՀ ԿԱ փրկարար ծառայությունը և մյուս պետական մարմինները, Շուշիի շրջանի և համայնքների ղեկավար կազմերը:

Հիմնական նպատակներն են՝
- ընդգրկված գերատեսչությունների գործողությունների համաձայնեցում երկրաշարժի հետևանքների վերացման ժամանակ.
- Շուշիի շրջանում երկրաշարժի հետևանքների վերացման հնարավոր կարիքների գնահատում.
- Շուշիի շրջանի բնակչությանը երկրաշարժի դեպքում վարքականոնների ուսուցանում.
- ստուգել բնակչության ազդարարման համակարգը: