Մինչև հիմա ՀՀ-ի և ԼՂՀ-ի միջև մաքսային սահման չի եղել և չի լինելու. ԼՂՀ-ի արձագանքը՝ Նազարբաևի հայտարարությանը

ԼՂՀ վարչապետը բազմիցս է նշել, որ Լեռնային Ղարաբաղի և Հայաստանի միջև մաքսային սահման փաստացի գոյություն չի ունենալու: ԼՂՀ վարչապետ Արայիկ Հարությունյանի մամուլի խոսնակ Արտակ Բեգլարյանն այսպես արձագանքեց «ԳԱԼԱ»-ի լրագրողի հարցադրմանը, թե ղարաբաղյան կողմն ինչպես է արձագանքում Նազարբաևի՝ Աստանայում արած հայտարարությանը, որ Ադրբեջանին «չգրգռելու» համար Հայաստանն անդամակցի նոր ձևավորվող միությանը այնպես, ինչպես միացել է ԱՀԿ-ին, ստացվում է, որ առանց Ղարաբաղի:

«Իսկ թե մեր պաշտոնական դիրքորոշման ձևակերպումը ինչպես է լինելու, ըստ իս, արդեն պետք է տան Հայաստանի Հանրապետության համապատասխան պաշտոնյաները, եթե խոսքը Մաքսային միությանն անդամակցելու գործընթացին է վերաբերում: Ամեն դեպքում մեր կողմից՝ Արցախի կողմից, պաշտոնական դիրքորոշումը հետևյալն է, որ Արցախի և Հայաստանի միջև ներկա կարգավիճակը շարունակվելու է, այսինքն` լինելու է այնպես, ինչպես եղել է: Մինչև հիմա երկու պետությունների միջև մաքսային սահման չի եղել և չի լինելու փաստացի»,- ասաց վարչապետի մամուլի խոսնակը:

Շարունակությունը` սկզբնաղբյուր կայքում: