Սերժ Թանկյանը կդառնա «թավշա հեղափոխության» մասին պատմող նոր ֆիլմի գլխավոր հերոսը

System of a Down-ի վոկալիստ Սերժ Թանկյանի մասին պատմող «Ճշմարտությունը իշխանություններին» վավերագրական ֆիլմը կցուցադրվի հաջորդ տարվա փետրվարի 19-ին. հայտնում է NME-ն:

Ֆիլմը կպատմի Թանկյանի կյանքի երեք տասնամյակների, ներառյալ՝ 2018-ին Հայաստանում անցկացվող բողոքի ցույցերին նրա մասնակցության մասին:

Գլխավոր հերոսի խոսքով՝ ֆիլմն «արտացոլում է իր՝ երեք տասնամյակների ճանապարհորդությունը երաժշտության և քաղաքացիական ակտիվության միջև»:

Ֆիլմի ռեժիսոր Կարին Հովհաննիսյանը նախապես նկարահանել էր 2018 թվականի ապրիլ-մայիս ամիսներին Հայաստանում իրադարձությունների մասին պատմող  «Ես մենակ չեմ» վավերագրական ֆիլմը, որի գործադիր պրոդյուսերը և երաժշտության հեղինակը Թանկյանն էր: