Ի՞նչ է խոսել վարչապետը խաբված բնակիչների հետ

Երեկ ՀՀԿ ԳՄ նիստից հետո վարչապետ Տիգրան Սարգսյանը ՀՀԿ Կենտրոնական գրասենյակի մոտ հավաքված` գերակա հանրային շահերի զոհերից մի քանիսի հետ գնաց կառավարության շենք` ծանոթանալու խնդրին:

Yerkir.am-ը վարչապետի մամուլի քարտուղար Հարություն Բերբերյանից փորձեց պարզել, թե ի՞նչ է երեկ զրուցել վարչապետը խաբված բնակիչների հետ:  Հարությունը Բերբերյանը տեղեկացրեց, որ Տիգրան Սարգսյանը ընդունել է Արամի, Բուզանդի և 33-րդ թաղամասի բնակիչներին:

Վարչապետը ֆինանսների նախարար Դավիթ Սարգսյանին հանձնարարել է պարզել պատճառները եւ բնակիչների հետ պայմանավորվածություն է ձեռք բերել հանդիպել 10 օր անց` հնարավոր լուծումները քննարկելու համար:

Լուսանկարը` 1in.am-ի