2011-ից սկսած` Հայաստանում ծնելիության մակարդակը նվազել է

Հայաստանում լուրջ խնդիր է երկրորդային անպտղությունը, այն շուրջ 14% է կազմում. այսօր լրագրողների հետ զրույցում նշեց ՄԱԿ-ի Բնակչության հիմնադրամի (ՄԱԲՀ) գրասենյակի գործադիր ներկայացուցչի տեղակալ Գարիկ Հայրապետյանը:

Նա հավաստիացնում է, որ հղիության ընդհատումը ողջ աշխարհում նպաստում է մայրական մահացությունների աճին: Ըստ Հայրապետյանի` Հայաստանում, բարեբախտաբար, հղիության ընդհատումը մահացության չի հանգեցնում, եւ անգամ վերջին երեք տարիների ընթացքում նվազել են մահացությունները:

«Հայաստանը աշխարհում երրորդ տեղն է գրավում, որ երեխայի սեռի պատճառով հղիության ընդհատում է տեղի ունենում»,- ասաց Հայրապետյանը:

Ազգային վիճակագրական ծառայության մարդահամարի եւ ժողովրդավարության բաժնի պետ Կարինե Կույումջյանը տեղեկացրեց, որ մինչեւ 2010 թ. ծնելիության աճ է արձանագրվել Հայաստանում, իսկ 2011-ից սկսած` ծնելիության մակարդակը սկսել է նվազել:

«2013թ. տվյալներով` նվազել է մինչեւ մեկ տարեկան երեխաների մահացությունը, սակայն աճել է մեծահասակների մահացության թիվը»,-ասաց Կույումջյանը: