Անուշ Բունիաթյանը գտնվել է

Տասն օր առաջ Երևանում անհայտ կորած 21-ամյա Անուշ Բունիաթյանը գտնվել է. այս մասին տեղեկացնում է աղջկա դասընկերուհիներից մեկը՝ Շուշան Թադևոսյանը՝ գրելով. «Անուշ Բունիաթյանը ողջ և առողջ գտնվել է՝ ձեր բոլորի տարածած ինֆորմացիայի և ոստիկանության համատեղ ջանքերի արդյունքում»:

Yerkir.am-ի հետ զրույցում Շուշանն ասաց, որ «Ֆեյսբուք»-ում աղջկա կորելու մասին տեղեկությունը տարածելուց հետո իրեն մի քանի հոգի զանգահարել և հայտնել է, որ Անուշին տեսել են Ծիծեռնակաբերդի տարածքում, ինչից հետո Շուշանն այս մասին տեղյակ է պահել ոստիկաններին: Թե ուր էր 21-ամյա աղջիկն այս օրերի ընթացքում, դեռևս հայտնի չէ:

 Հիշեցնենք, որ 2013 թ. հունիսի 9-ին` ժամը 13.30-ի սահմաններում, Երևանի Վերին Շենգավիթի 11 փողոցի 34 տան բնակչուհի Անուշ Բունիաթյանը տնից դուրս է եկել և անհայտ կորել: