Կադրային աղետ և խնամի, ծանոթ, բարեկամ․ Անուշ Պողոսյան

2023 թվականի մայիսին անդրադարձել էի առողջապահական համակարգի կադրային սովի մասին՝ հատկապես բժիշկների մասով:

Ըստ ՀՀ առողջապահության նախարարությունttps:// www.moh.am/#1/119 հղման Հայաստանի Հանրապետության մարզերում բժիշկների թափուր հաստիքները կազմում են 339, որոնց մեջ գերակշռում են տեղամասային թերապևտները, մանկաբուժները, ընտանեկան բժիշկները, անեսթեզիոլոգ-ռեանիմատոլոգները: ՀՀ առողջապահության նախարարության կողմից հայտարարվեց, որ Երևանի Մխիթար Հերացու անվան պետական բժշկական համալսարանում «Բուժական գործ» մասնագիտությամբ սահմանված է 28 նպատակային ուսուցման տեղեր.( https://www.moh.am/#1/6606 )

Այս ամենի վերլուծությունից առաջանում են մի քանի հարցեր։

Ինչպես է նման առողջապահական աղետրը վերականգնվելու։

Ինչպես է որոշվել նպատակային ուսուցման տեղերի քանակը։ Ինչ տրամաբանությամբ են բաշխել տեղերը ըստ մարզերի։

ԵՎ հարցերի հարցը

Այսօր ՀՀ առողջապահության նախարարության կայքում հանդիպեցի մի հայտարարության, որում ասվում էր, որ Գեղարքունիքի մարզում առկա է 55 թափուր բժշկի հաստիք, և ակամայից հիշեցի մամուլի անդրադարձը տրանսֆուզիոլոգիայի կլինիկական օրդինատուրա պետական պատվերով անցնող հայր և աղջկա մասին՝ հայրը ՝ 63 տարեկանում է որոշել անցնել կլինիկական օրդինատուրա, որովհետև իրեն պետք է, և դրա հնարավորությունը կա: ՀՀ առողջապահության նախարարության կայքում տեղադրված է Գեղարքունիքի մարզի պահանջարկը՝ մարզում կա 1 Տրանսֆուզիոլոգի կարիք :

Հարց է առաջանում

Ո՞ր մարզի հաշվին են հայրն ու աղջիկը վերապատրաստվում։

Անուշ Պողոսյան

«Առողջության իրավունք» իրավապաշտպան ՀԿ համանախագահ