Հրազդանն ամենաքաղաքականացված քաղաքն է. Արամ Դանիելյան

«Պառլամենտ» ՀՔԱ-ն «Գոլդեն Թուլիփ»  հյուրանոցում, տեղական ինքնակառավարման մարմինների ղեկավարների մասնակցությամբ, ասուլիս էր կազմակերպել, որի նպատակը, ըստ տարածված հայտարարության,  իշխանություններին իրազեկելն էր, որ Հայաստանը միայն Երևանը չէ, և հարկավոր է անհրաժեշտ ուշադրություն դարձել ՀՀ մարզերին ու քաղաքներին:  

Ասուլիսի գլխավոր բանախոսն էր Հրազդանի քաղաքապետ Արամ Դանիելյանը:  Նա ներկաներին պատմեց  Հրազդանի քաղաքապետի ընտրությունների, քաղաքում կատարված բարեկարգումների մասին: 

Ըստ նրա՝  Հրազդանը հանրապետության ամենաքաղաքականացված քաղաքն է: Բացի այդ` այնտեղ քաղաքաշինությունը ծաղկման փուլում է, բոլոր երկրորդական և գլխավոր  ճանապարհներն ասֆալտապատված են, բազմաբնակարան շենքերի տանիքների մեծ մասը նորոգված, աղբահանման տնտեսությունը լավ վիճակում և այլն...

Թե որքանով հաջողվեց քաղաքապետին իշխանություններին իրազեկել, որ անհրաժեշտ է ուշադրություն դարձնել ՀՀ մարզերին և քաղաքներին՝ դիտեք տեսանյութում:  

Ի դեպ, ամսագրի շապիկին հայտնվելու համար Հրազդանի քաղաքապետն արժանացավ պատվոգրի: Հունիս ամսվա համարի դեմքի՝ Արամ Դանելիանի պատկերով տորթն էլ վերապահվեց կտրել հենց իրեն՝ քաղաքապետին: