Միասեռականների ակցիան Թբիլիսիում տապալեց Քրիստո՞սը

Թբիլիսիի քաղաքային դատարանը այսօր որոշեց, որ մայիսի 17-ին Թբիլիսիում սեռական փոքրամասնությունների ակցիան տապալած երկու հոգեւորականների գործով դատավարությունը կշարունակվի հուլիսի 15-ին:

«Մեզ մեղադրում են այդ ակցիայի տապալումը կազմակերպելու եւ դրա մասնակիցների նկատմամբ բռնություն կիրառելու մեջ, սակայն դա այդպես չէ: Մենք չենք եղել կազմակերպիչները: Ամեն ինչ ինքնաբերաբար ստացվեց: Հավանորեն, դա Աստծո կամքն էր: Եվ եթե կազմակերպիչ էլ կար, ապա Հիսուս Քրիստոսը»,- այսօր լրագրողներին ասել է մեղադրյալ հայր Անտիմոզը:

Интерфакс-ին Թբիլիսիի քաղաքային դատարանում հայտնել են, որ Վրաստանի ՔՕ հոդվածի համաձայն, որով գործն է հարուցվել նախատեսվում է տուգանք կամ մինչեւ 2 տարվա ազատազրկում: