Գագիկ Բեգլարյանը` Տարոն Մարգարյանի մասին

Տրանսպորտի եւ կապի նախարար Գագիկ Բեգլարյանն ուշադրությամբ հետեւել է Երեւանի ավագանու ընտրություններում ՀՀԿ քարոզարշավին: Այս մասին նա հայտնեց Yerkir.am-ի հետ զրույցում, երբ գործող քաղաքապետ, Երեւանի ավագանու ընտրություններում ՀՀԿ համամասնական ցուցակը գլխավորող Տարոն Մարգարյանը Կենտրոն համայնքի բնակիչների հետ հանդիպման էր եկել:

Բեգլարյանի կարծիքով` քաղաքապետի ամենաարժանի թեկնածուն Տարոն Մարգարյանն է, քանի որ տեղական ինքնակառավարման ոլորտից ամենագիտակն է: «Քաղաքապետի մնացած թեկնածուներին լսելիս տպավորություն է, որ գոնե մեկ անգամ Երեւանի մասին օրենքը չեն կարդացել»,- նշեց նա:

Բեգլարյանը կարծում է, որ այս ընտրություններում կհաղթի ՀՀԿ-ն: Հարցին, թե ինչպե՞ս է գնահատում Տարոն Մարգարյանի վարկանիշը, պատասխանեց` մայիսի 5-ին բոլորս կտեսնենք: