Այս պահին Երևանում sett-weather
Փոխարժեքներ 25 11 2024
USD ⚊ $ 390.14
EUR ⚊ € 409.14
RUB ⚊ ₽ 3.75
GBP ⚊ £ 490.8
GEL ⚊ ₾ 142.52
կարևոր
0 դիտում, 11 տարի առաջ - 2013-04-29 18:29
Քաղաքական

Աներորդու ավանդը` Տարոն Մարգարյանի հաղթանակում

Աներորդու ավանդը` Տարոն Մարգարյանի հաղթանակում

ԱԺ ՀՀԿ խմբակցության պատգամավոր, գործող քաղաքապետ Տարոն Մարգարյանի աներորդին` Ռոբերտ Սարգսյանը, մայիսի 5-ին կայանալիք` Երեւանի ավագանու ընտրություններից մեծ ակնկալիքներ ունի: Այս մասին նա հայտնեց Ավան վարչական շրջանի բնակիչների հետ հանդիպումից հետո:

 

ՀՀԿ-ի ընդդիմախոսներին Ռոբերտ Սարգսյանը խորհուրդ տվեց քարոզեն իրենց անելիքների մասին, այլ ոչ թե քննադատեն ՀՀԿ-ին: ՀՀԿ-ական պատգամավորը բոլորին է մրցակից համարում, որեւէ մեկին առանձնացնել չցանկացավ:

 

Մեր դիտարկմանը, թե ՀՀԿ-ի վարկանիշը ցածր է, որ քարոզչական շեշտը դրել են Տարոն Մարգարյանի վրա, Ռոբերտ Սարգսյանը չհամաձայնեց: «Ավագանու ընտրություններ են, բայց քաղաքապետ լինելու է Տարոն Մարգարյանը»,- բացատրեց նա:

 

Իսկ ՀԱԿ ակտիվիստների, նաեւ լրագրողի հետ կապված միջադեպերը, գործող քաղաքապետի աներորդին բացատրեց որոշ մարդկանց կողմից արջի ծառայություններ մատուցելու ցանկությամբ: Խոսելով լրագրողի ծեծի մասին` նա նշեց, որ ծեծողի` ավագանու ՀՀԿ-ական  անդամի հետ չի խոսել, բայցեւ վստահ չէ, որ, իրոք, դեպքը հենց այնպես է եղել, ինչպես նկարագրվել է:

 

Մեր հարցին, թե ո՞րն է լինելու իր ավանդը Տարոն Մարգարյանի հաղթանակի գործում, Սարգսյանը պատասխանեց. «Իմ քվեն, իմ բարեկամների քվեն»:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը