Ցեղասպանության 98-րդ տարելիցը` Բուլղարիայի հայաշատ քաղաքներում

Yerkir.am-ն արդեն տեղեկացրել է, որ Սոֆիայում հարգել են Հայոց Ցեղասպանության անմեղ զոհերի հիշատակը:

Եղեռնին նվիրված բազմաբնույթ միջոցառումները շարունակվել են Բուլղարիայի բոլոր հայաշատ քաղաքներում` Վառնայում, Պլովդիվում, Ռուսեում, Բուրգասում, Դոբրիչում, Սլիվենում:

Այդ օրը Վառնայի Սբ. Սարգիս եկեղեցում Սուրբ և Անմահ Պատարագ մատուցեց, նաև` երթ կազմակերպվեց:

Նույն օրը Պլովդիվում Հոգեհանգստյան կարգ կատարվեց Հայոց ցեղասպանության անմեղ զոհերի հիշատակը հավերժացնող Խաչքարի առջև, որից հետո ներկաները մեկ րոպե լռությամբ հարգեցին Մեծ Եղեռնի զոհերի հիշատակը: 

Ամբողջ օրվա ընթացքում Պլովդիվի Սբ. Գևորգ եկեղեցու զանգակատնից ծածանվում էր սև դրոշակը, ազդարարելով, որ պլովդիվահայերը չեն մոռացել Հայոց ցեղասպանության զոհերի անմահ հիշատակը:

Երեկոյան ժամը 18:00-ին տեղի հայ համայնքը կազմակերպել էր բազմամարդ երթ Պլովդիվի կենտրոնական փողոցներով:

Առավել մանրամասն` տեսանյութում