Հիմնական ֆավորիտը ''Բարսելոնա''-ն է. Ռումմենիգգե

Մյունխենյան «Բավարիա»-ի նախագահ Կարլ-Հայնց Ռումմենիգգեի կարծիքով` Չեմպիոնների լիգայում հաղթելու հիմնական ֆավորիտը կատալոնական «Բարսելոնա»-ն է:

«Բարսելոնա»-ն ինձ համար միշտ լավ օրինակ է ծառայել: Վերջին տարիներին այս ակումբը ՉԼ-ում հաղթել է ավելի հաճախ, քան որևէ ակումբ: Ներկա պահին այն լավագույն ակումբն է: Կարծում եմ` մեր թիմերի միջև երկու հանդիպումները դիտարժան կլինեն: Շատ ուրախ եմ, որ մեր ուժերը պիտի չափենք այսպիսի թիմի հետ: Ըստ իս` Չեմպիոնների լիգան հաղթելու հիմնական ֆավորիտը «Բարսելոնա»-ն է»,- ասել է ակումբի նախագահը:

Հիշեցնենք, որ մյունխենյան «Բավարիա»-ի մրցակիցը Չեմպիոնների լիգայի կիսաեզրափակիչում կատալոնական «Բարսելոնա»-ն է: