Խմբի ֆավորիտը Ֆրանսիան է. Էյոլֆուր Սվերիսոն

Իսլանդիայի Մ-21 ֆուտբոլի հավաքականի գլխավոր մարզիչ Էյոլֆուր Սվերիսոնը լրագրողների հետ հանդիպման ժամանակ նշեց, որ նրանք Հայաստան են եկել հաղթանակի համար:

«Բելառուսի դեմ մեր տարած հաղթանակը մեզ լրացուցիչ եռանդ տվեց: Խմբի ֆավորիտը միանշանակ Ֆրանսիան է, այստեղ պայքար է գնալու երկրորդ տեղի համար: Մենք ամեն ինչ անելու ենք հաղթելու համար: Հայաստանի այժյան հավաքականին ծանոթ չեմ: Դատելով նախորդ կազմից` բարդ խաղ է սպասվում: Իմ տղաները ֆիզիկապես լավ պատրաստված են, նաև բարձրահասակ են, կարծում եմ դա մեր ուժեղ կողմերից է»,- ասաց մարզիչը:

Իսլանդիայի հավաքականի բաց մարզման լուսանկարներն` այստեղ:

Հիշեցնենք, որ Հայաստան - Իսլանդիա հանդիպումը կկայանա  հունիսի 6-ին` ժամը 19:00-ին,  «Հրազդան» մարզադաշտում:

Մուտքն ազատ է: